L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1963 I-II Izar (1963-urtarrilla/ekaina) —Hurrengo artikulua




 

 

Egonean

 

Gaztelu

 

                                OTEIZA lagun argiari

                                solasaldi baten ondoren

                                                             (II-1963)

 

            I

Arrimokor biribil:

tartean

lekune bizigarri

aidean:

ez il

bizi

aldiaren erraietan:

ez larri

geldi

aziaren begietan:

argi

nare

sabel izor illunean:

 

e g o n e a n.

 

Aldiak ba derauntsa

onuntza

aruntza

                oiartzunean:

aizeak

ibildari

—ez ikusgarri

bai ukigarri—

ertzak kamusten

arian

arian:

 

e g o n e a n.

 

Egonean egonez ba nabil ibil

izarren bidastean ingurubil

kolkoa zabal, ernai, aoa ixil

muga guzien orrazean tipil.

 

Egonean bideak janez egona itotzen

aize berrien ausnarrean atzartzen

zango-begi itxas-legorrez bazkatzen

egonean egonez barnegiroa gozatzen.

 

Egonean egonez lurbira ingura

kaialde guzietan bota aingura

itzul, oialak bildu, egin barrura

mugarri tringo biribillen lekura.

 

            II

Berde arima

ingurune zabalean:

ozkarbiz

lañoz

                eguratsean:

ez tinko

teink

                aize-egalean:

e g o n e a n.

Berde arima

durundien ixilpe

erauntsien gerizpe:

eguzkitan

mandan

                     luzarora

                oraingora:

e g o n e a n.

Ikara

atseden urratuen oiuetan

laztura itzalien kantuetan

balaku kixkalien orruetan

basamortu galduen uluetan:

 

e g o n e a n.

Ikara

nunnaiko txistuen arnas ulduan

noiznaiko ugiñen apar txeean

norako ibaien joaira galduan

nundiko trumoien keñu errean:

 

e g o n e a n.

Berde arirna

ez bildur

ez larri:

igarotik gerora

zantzuen berri

gogora:

 

e g o n e a n.

 



Literatur Aldizkarien Gordailua Susa argitaletxearen egitasmoa da.