Gure euskal dantzak

Satarka

Gure euskal dantz ederrak,

Egun ta gauean,

Lasai dantza litezke

JAUNA-ren aurrean,

Garbiak diralako

Lizunik gabeak.

Dantza, neska-mutillak,

Arin, pizkor dantza...

Zuek bai-dezutela

Piperra ta gatza.

Gogoa alai ta pozik

Taupaka biotza.

Ekin ortan, mutillak,

Aurrera neskatxak,

Eskar-onak zueki,

Gure euskotar dantzak

Biziko dira beti,

Naiz jarri estuntzak.

Antziñeko dantzaki

Iseka ta farra?...

Erbestean gureak

Atera su-garrak.

Arriturik gelditu

Dira Amerikarrak.

Beste dantzak dirala

Ta gureak laga?...

Gogor, mutillak, zintzo,

Zangoak gora aisa.

Irrintzi ta zantzo: irri

Arra... irri-arra... aufa!

Noiz nai ta non-nai zuek

Zerate mutillak,

Goratzen dituzute

Gure euskal makillak.

Ekin, ez ditezen il

Gure dantz-ariñak!!

Gazte zeraten arte

Aurrera, mutillak...

Sasoirik onenian

Egin alegiñak.

Dantza... ta etengabe

Jo, joo... kriskitiñak!

Zuek goraldu bear

Dezute Euskalerri.

Zuen dantz ederrakin

Arrituta geldi

Dedin mundua, ernai,

Begiraka geuri!

Zuen semeak gero

Ikusi dezaten

Zuek zintzo nolatan

Azitu ziñaten

Euskalerriagatik

Lan onak egiten.

Aufa-aufa... au duk sasoia...

Ekin, ez gelditu...

Rrau ta rrau... rrakataplau...

Dantzan izerditu...

Koipe txarrak gutxitu,

Ta giñarrak geitu! !

Aula... aula... au duk sasoia...

Gora, ankak aidean...

Dantza, dantza, gizonki,

Iñoren aurrean.

Zuek añakorik gaur

Bai-ote Lurrean?...

Guk, euskaldun geranok,

Jo ta jo txaloak...

Gazte bikain oientzat

Orr... gure diruak,

Ta baserrietako

Esne ta taloak!!