L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1963 I-II Izar (1963-urtarrilla/ekaina) —Hurrengo artikulua




 

 

Danok alkarturik

 

Zugazaga'tar Lorentzo

 

Areintzako gaurkoa

egunik onena,

Deun guztien erreguz

lenau Aitagana.

 

Gu be gaur ta biarkoz

gomutatzen gara,

anaiak doguzala

elduge zerura.

 

Kristoren gorputzeko

atal aberatsak,

beterik ta gaiñezka

dagerskuez sakelak.

 

Gaiñezka dauken ori

baliatuteko,

lur ta garbitokia

dira, ziñez, naiko.

 

Zorro oso aundiak

azpia betegaz,

daukaguz emen askok

Jainko eskarragaz.

 

Lurtarrok aulaz gara,

atalik aulenak,

gure geroak sarri

larritzen gaitunak.

 

Zeruan dagozanak

Jauna dabe lagun,

garbitokikoak be

laster dauke zorun.

 

Baiña gure otoiak

ba-dabe almena,

Jainkoaren aurrean

eragintasuna.

 

Zerutarrak danontzat,

guk orbandunentzat,

atalok alkarturik,

BURU, Kristorentzat.

 

Berak erosi gaitu

nekaldian bidez;

betirako mirabe

gaituz, bada, legez.

 

Zeru, lur, garbitoki

gorputz bat egiñik,

goazen Kristogana

ta aurrean auzpezturik,

 

Bera gurtu dagigun

biotz barrenendik

esanaz: «Gure Errege

ZU, zaitugu, gaurtik».

 



Literatur Aldizkarien Gordailua Susa argitaletxearen egitasmoa da.