L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1963 III-IV Minezko ezpata (1963-uztaila/abendua) —Hurrengo artikulua




 

 

Auts artera eroriz

 

Muniategi'tar Sabin

 

Auts artera eroriz

lurrera datozen orbelakin batera,

gogoa dabil geromin, intziriz

galdera beltzetan ausnar,

biziaren beeratze bildurgarrian

laño artean, Jaungoiko billa

ikara, bizi-bizian.

Barnean izkutu, biozti

ederrezko apain, artu-emanetan

gogo-eiaran, egaka dabiltzan

ainbeste maitasun bizi,

ainbeste laztan gozo

ainbeste amets bero

eta, muxu dardara egati...

Begi ninietan gora

ainbeste zorion iturri

ainbeste, itxaropen pozgarri...

Eriotzaren itzal, autsa...

Ai! besterik ez ote da?

 

Eta, autsa ote nere biotzean

sustartu zan abotsaren eztia;

autsa zure begien irriparre,

zure esku txurik dakarten poza

autsa, dan-dana... nere animara

argi-dizdiraz iritzi ziran

zure gogoaren biotz-dardara,

itz betikorretan, alkar-miñean

zeruratu zan maitasunaren

eta, laztan guztien goi sakona?

 



Literatur Aldizkarien Gordailua Susa argitaletxearen egitasmoa da.