L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1964 I-II Etorkia (1964-urtarrila/ekaina) —Hurrengo artikulua




 

 

Eskuartean zaitut, «Biotz-Begietan»

 

Otsalar

 

Eskuartean zaitut,

«Biotz-Begietan»,

etsi eziñikan.

Bizitza labur batek eratzi nai duan

mitxeletaren gisa,

eskuartean zaitut,

oso maiteki.

Zure orri leunen barna

ezti bearrez

maiz abiatzen naizelarik.

 

Ekaitzak etendako egunsentia

iduriz,

eskuartean zaitut.

Zure leiotik ikusten dedan soroak,

asi orduko, suntzitu zan arrobia

edo emaitzak galdutako meaztegia

iduri.

      Kantu eralleak, arro;

zu ondatzeagaitik.

Maltzur, maltzur ¡beti maltzur!

beren izakiz.

Orain, zorionez,

eskuartean zaitut,

miñezko kanta otsa ixuriz

urteen zurrumurrutik.

      Marmari gozoz ari zera

asaba zaarren baratzean

eguna gau biurtzeko beldur,

oroitzapena iraun nairik.

Eskuartean zaitut,

kantu atal gogoangarrien kabi zeran

«Biotz-Begietan».

 



Literatur Aldizkarien Gordailua Susa argitaletxearen egitasmoa da.