L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1964 I-II Etorkia (1964-urtarrila/ekaina) —Hurrengo artikulua




 

 

Kanta-itzak

 

N. Etxaniz

 

 

Goi-zale

 

              I

Erreka-zulotan laiñoa da nagusi.

Goazen aldapan gora igesi.

Gaillur argiak zerua ikutzen daude.

Alperrak zuloetan beude.

 

              II

Aide garbi zale,

mendirik-mendi goiaz;

begiak goruntza jasoaz,

Illargi zuria etorriko da gazte,

zeruetako gau-emazte.

 

        TALDEAN:

Gora, bai, bai. mendietako argia!

birietako bizia.

Biotzak zabal, ar ditzagun

baso ta izarrak gure lagun.

 

 

Urra

 

Urra labirulena, urra!

Nere maitea begi-urdin.

Ille-mataza urre-ari,

argiak egin du Erregin.

Etzazu, Maite, uxa,

biotzean daukazuna.

Udaberria gaiñean da.

Eldu da biotzen eguna!

 

 

Erriko semeak

 

Erriko semeak dira

odolaren lege.

Gure zaiñetan dabil,

beiñere eten gabe.

Goazen euskal-semeok,

argi-berri eske.

Ametsak ez du mugarik.

Betor euskal-aide!

 

        TALDEAN:

Eguzkiak zeruetan,

ba-du urre-bide;

eguerdiak dakar

aren argi bete.

Jaunak eman digun bidean,

bildurrikan gabe,

goazen zuzen, jokatuaz,

gure izenaren alde.

 



Literatur Aldizkarien Gordailua Susa argitaletxearen egitasmoa da.