L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1964 I-II Etorkia (1964-urtarrila/ekaina) —Hurrengo artikulua




 

 

Urrutitik etxerakoan

 

Osa'tar Eusebi

 

Bidelari, taka taka

        etxera bidean;

        biotza dut taupadaka

        lertu bearrean.

 

        Urrutian ibilli naiz

        aspaldi auetan;

        etxera bidean nago

        illunabar ontan.

        Illunabarrean,

zeru-ertzetik datoz eguzki ondarrak;

eguzki ondarrak igarian dabiltz

errekatxoaren ur garbi axalean.

 

        Etxean dago txakurra

        zaunka ta zaunka atean;

        zaunka oien oiartzuna

        daukat biotzean.

 

        An, an, nire ama,

        amatxo neria!

        Ene biotz, gerta adi,

        ez eidak ler egin!

 

        Ama ba-datorkit...

        ni ere ba-noa...

        au biotzondoa!

        Ama!-Seme!

        Itzak bukaturikan

        begitan malkoa.

 



Literatur Aldizkarien Gordailua Susa argitaletxearen egitasmoa da.