L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1964 III-IV Udazkena (1964-uztaila/abendua) —Hurrengo artikulua




 

 

Gaztetasun bidean

 

Muniategi'tar Sabin

 

Udaberri santzo, goiz eme, egun argiz,

egazian dator bai guztia, amesbera

ta, abarrots ezti, maitebide iturriz,

itxaropen betean eskurik eskura.

 

Gaztetasun mundu goratia agurtuz,

dana dirudi bai, berri, zelai loretsu,

izar ta illargi dana, urrezko zeruz

ibilbide eskurakor, aize gozatsu.

 

Ta, dana izar-lorez, betikoz iantzia

elkar-mintzoz zeruari erdi-ikutuka,

biotzeratuz dator bai, arima guztia...

 

Dana dator berez, odol ezean gora

biotza zuzenduz edermin, maite-ederka

alako bizi-iturri, emai izkutura!

 



Literatur Aldizkarien Gordailua Susa argitaletxearen egitasmoa da.