L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1964 III-IV Udazkena (1964-uztaila/abendua) —Hurrengo artikulua




 

 

Itz argi

 

Muniategi'tar Sabin

 

Itz argi, alaitxo baten eztiz...

Orixe zan bai, gure nai dana

eta, etorri zan ezpanetara

egamin eta, ikara-ikara,

biotzetan irikiz

amets gurena zan,

zerurik onena!

 

Geuretza eder-betean gero,

—txoriak bezela egatu giñan—

betikotasun pozez,

lore-bitxi, izarrak sortatuz

zeruarte goi, garbian.

 

Eta, maite-ederka

biotzak oinbideratuz,

gogai itxaropentsu, sakonetan,

bizitzaren laztasun, neke, dana...

bizitzaren arantzak, poztasuna,

goraberatxo guztiak kolkoratuz

eskurik eskura,

elburu bidean

bata-bestea garaitzara beartuz,

itz argi, alaitxo baten bidez

geureratu giñan.

 



Literatur Aldizkarien Gordailua Susa argitaletxearen egitasmoa da.