L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1964 III-IV Udazkena (1964-uztaila/abendua) —Hurrengo artikulua




 

 

Udaberria

 

Ezkiaga'tar Patxi Anaia

 

Masusta zarren gudaurka daude

aurtengo pipil xamur berriak,

zeñek laistergo erne leietan

sabeletikan lore txuriak.

Zeruko Venus eiztari ederra,

Andere Eguzki, dago urduri:

nungo loreri jaurti zalantzan

maitasunezko azkon limuri.

        Arkaitz artetik

        ubar berria;

        goian geratu

        sabel usturik

        ugastegia.

Aran-ibarra abesti dago;

Kardantxoloa berritxuago.

        Armirimaok

        pozik uzten du

        ate baztarra;

        sagar zugatzan

        laztana dala

        eguzki garra.

Zelai guztiak margo muskerrez;

illunabarra odol ta urrez.

 

Izarrak ere sorgiñagoak

azkengabeko isillunean;

gonak jasorik dantzaran dira

zillar garbizko urazalean.

Intzatu zazu Udaberri izardiz

gure sagasti eta masustak,

bizi berriak orditu ditzan

Euskal odolez Euzko gogoak.

 

Eze eta urdin, odol ta zillar,

Euskera Amaren Udaberri zar!

 



Literatur Aldizkarien Gordailua Susa argitaletxearen egitasmoa da.