L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1964 III-IV Udazkena (1964-uztaila/abendua) —Hurrengo artikulua




 

 

Min gañezkuak ez dau balio,

biotzak maite ez badau

 

Enbeita'tar B.

 

Bada ezpadan ez daigun jaso

Larregi geure burua;

Ez dogu iñok zetan ibilli

Bestei emoten errua.

Bakoitzak ondo zaindu ba'gendu

Emen geure sorlekua,

Etzan onela indargetuko

Euskera biotzekua.

 

Euskaldun askok gure izkuntza

Min gaiñez goratuten dau.

Parkatu, baiña jazokun onek

Sarri tamalez jarri nau.

Emen alperrik egingo dogu

Orrua egun eta gau,

Mingañezkuak ez dau balio

Biotzak maite ez badau.

 

Ura juanda preza egitia

Beti izaten da berandu.

AMA Euskerai bizi dan arte

Egin daiogu lagundu.

Mingañez eta biotzez bardin

Egin daiogun lagundu.

Gure izkuntza laster litzake

Izkuntza danen eredu.

 

Ama Euskera jaso gurarik

Euskaldun onak bai gabitz

Beste batzuek izkuntza ederrau

Oinperatu nairik dabiltz.

Nire barrena zabalduten da

Euskeraz egitian itz.

Tamalez laister ilgo nintzake

Euskerarikan ez ba'litz.

 



Literatur Aldizkarien Gordailua Susa argitaletxearen egitasmoa da.