L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1965 I-II Ikurrin (1965-urtarrila/ekaina) —Hurrengo artikulua




 

 

Esku utsik sortuak

 

Otsalar

 

Esku utsik sortuak

bizien errira,

errukarri dabiltza

munduz jira-bira;

beste batzun mendean

oiek gose dira.

Justutasunik iñun

eztago begira.

 

Apalki eskatzearren

berentzat ogia

zigortzat izan zuen

gaizkille burnia.

Menderatueri zaie

nabari, zauria,

ago ixilla..., baña,

barnean egia.

 

Uste okerrez dijoaz,

orain, arro-putzak,

lapurtuaz gaut'egun

iñoren ametsak,

langilleen lepotik

dira aberatsak.

Noiz arte iraungo dute

umillen biotzak?

 

Begi tarteak bustiz

naiz itsutuago;

erotu bearrean

ixillikan nago.

Lurrikara ondoren

izugarriago

zerbait aditu nai ta

dana ixil dago.

 



Literatur Aldizkarien Gordailua Susa argitaletxearen egitasmoa da.