L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1965 III-IV Bertso urratuak (1965-uztaila/abendua) —Hurrengo artikulua




 

 

Au burrukea

 

Aurraitz

 

Aragi txakurra!

Aginak ezarten daustazuz

ostu guraz neure altxorra.

Odola dariola naukazu, gau ta egun,

neke latzean, itsutu bearrik.

—Au lorra!—

Eta zidor labanez tamaltsu noa...

Didarka daukat biotza,

indar aaltsu baten aurka,

eta burruka gogorretan nabil

—odol ta malko, negar ta atsekabe—

eriotzea gomutan eta,

merezi dagikedana, bestaldez...

 

Ixilik nabil;

biotz-taupadak dantzudaz zoli.

Txakurtzarrak erausiko ete neure altxorra?

Bildur naz ainkadok ez ete daustien galduko burua.

Baina indar guztiekaz iabongo

neure biotzaren barru-ondasuna.

 

Aragi txakurra!

Odola dariola naukazu

zauri gordinez, minbera.

 



Literatur Aldizkarien Gordailua Susa argitaletxearen egitasmoa da.