Gose ta pobre

Olaetxe

Eguna. Trixtea.

Zuriz jantzita, eguna,

Anboto'ko lamiña zuri

otz eta busti.

Ta kalean eskeko

amatxo bat. Umetxoa

ondoan, oiñutsik.

Apala ta flako.

Umetxoa gose.

Ta ama trixte.

Gaztea, naroa, goxoa,

illun jantzia.

Eguzkiaren antzo ille

ori ta luze. Eder.

Ta umetxoa, ume apala,

ori ta luze,

baita ere trixte.

Gose.

Jaun andi itun,

denaren jabe,

arro. Ta bere atean:

—Jainkoarren.

—OGIA? Lana.

Ta itxi da atea.

Ta goibel ama.

Ta umea trixte.

Ta biak gose.

................

Etxola beko bakardadean.

Biak, ama ta umea.

—Gose, ama.

—Lo egin seme.

      Jauna

  ona da. — Ta negar

begi-zulo erruki aiek.

Ta umeak lo.

Lo ta gose.

Zeruko lore.

Ta amak ere lo.

Ogiaren amets

gose, ta gose.

Lo, ta gero...

                Il...

Biak etxolako balcardade

illunean, gorputz,

biak lo.

Biak otz.

....................

Ta gau aretan aberatsak

ogi biguña jan zuen.

Ta gau aretan,

aberatsaren txakurrak

okela,

etxe epelaren

kabian.