L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1966 III-IV Dolorezko izarrak (1966-uztaila/abendua) —Hurrengo artikulua




 

 

Imanoletxu

 

E. Erkiaga

 

Imanoletxuk

ba dau txakur bat

goiz ta arratsalde

txau, txau, mau.

Nik bere laster

dodala izango

esan deust aitak

barrez gaur.

 

Imanoleren

txakurrak daki

erbitokiak

aurkitzen,

erbi aundia

arrapauko dau

ta jango dogu

bazkaiten.

 

Imanoleren

txakur zuriak

zapatak ditu

oiñetan,

mendirik-mendi

joango gara

erbien billa

domekan.

 

Imanoletxuk

nebatxua dau

mutil polita,

Iñaki;

neskatotxuak

ari begira,

eta Iñakitxuk

ez daki.

 

Imanoletxu

gure laguna

neska pinpirin

jatorra,

gure jolasen

azkortzaillea

Imanoleren

txakurra.

 

Imanoleren

txakurrak, orra,

txakur azkarren

sena dau;

goiz ta arratsalde

ara ta ona

gure inguruan

txau, txau, txau!

 



Literatur Aldizkarien Gordailua Susa argitaletxearen egitasmoa da.