L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1966 III-IV Dolorezko izarrak (1966-uztaila/abendua) —Hurrengo artikulua




 

 

Jaiki zaitez......!

 

Mendizabal

 

Jaiki zaitez, jaiki, Jainko Jauna!

ta nigan zatorzkit arin,

argi zaidazun barne illuna,

Zugandik urrun ez nadin!

 

Odei illunak ingura naute

gaztearo gordiñean...

Bakarrik nabil, argirik gabe,

norantza ez-jakiñean.

 

Oñez ikasten ari dan aurra

bezela oinkada zurrez

nabil, urrats bakoitzean lurra

noiz joko dedan bildurrez!

 

Gau illunean galdua doan

itxua nauzu, Jainkoa!;

bide-lagunik ez dut alboan

ta noraezean noa!

 

Oiñak koloka, barnea izu...

nun nabillen jakin gabe,

argiaren billa nabilkizu...

ta dena dakust illunbe!

 

Deiaren-deiez naukazu, Aita!

ta entzun nazazu laster,

Bide galduan bakar utzita

nik jo ez dezadan bazter!

 

Luza bai, luza Zure eskua,

ta egin zaidazu argi,

illun dakusdan bide galdua

ikusi dezadan garbi!

 



Literatur Aldizkarien Gordailua Susa argitaletxearen egitasmoa da.