L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1967 I-II Itzartze (1967-urtarrila/ekaina) —Hurrengo artikulua




 

 

Itzartze

 

S. Muniategi

 

Itzartze berri batera nakarren egun

ta, bizitzan gora naraman bitarte au...

betorkit egunkera, etorbide onez,

betorkit bere edergai, bere ondasun,

bere goi-ikutu, bere zador-ikara,

bere itzal-argizko uberka sakonez.

 

Bideratze sendo, alegin bulartsuenez

begiak argiz eleka ta, eskuok gorestuz

betorkit, biotz-ereintza itxaropentsuz,

betorkit zantzu berri, arnas betikorrez

betorkit, egia oñarritu, egia gainduz,

bein ta berriz oñera nakarren egun au...

 

Ai! Ez! Egun bat geiago ez bedi izan!

Alperrik ibil, bizi izandako egun,

Aperrik galdutako egun uts, illun...

olako egun ezerreztu, egun illik,

olako egun ondatu, egun galdurik,

ez bedi iñoiz olako egunik izan.

 

Noan bai, geiago egunik ez galtzera

alkarbidezko etorkizun, izatera;

noan bai egia goituz, egiaren aldera,

noan gizabidez gizonaren bidera,

noan biziaren oñaze, pozaldietara,

bere beartasun ta zori ezberdiñera.

 

Ogi, ardo... Bai, bizia eskatuz nator

bizitz egokiago baten alegiñera;

bizia eskatuz nator biziari deika,

eramankorrago litzaken etorkizun

ta, bizitza argiago, bizitza onago,

bizitza urkoago eder baten bidera.

 

Bata-bestezko argibide eskugarriz,

gure biotz-gogo, baratz alorrak landuz...

(garisoro burutsu, artoarte goigarriz)

emen nator, ementxe, ogia eskatuz,

ain bearrezko diran bizigai, igaliz,

ementxe bai, gurarik onenak aletuz.

 

Bai, ugaritu bediz gizonaren altxor,

bere zugatz, bere soro, emai garbiak;

ugaritu bere maikide, bere sendiak

bearrezko diran onuraz, tontor ta montor,

ugaritu ogasun, etxeko abereak,

anaitasun bizia dakarren bideak!

 

Betor bai, onez, gogozkoa dan gurari

gizonari bide-alkartuz letorkion

argiratze etorritsu, egun eder ori!

Betor ainbesteko goitasuna lekarkion

anaitasun-emai, ur garbizko iturri,

egunik argien, egunik ederren ori!!

 



Literatur Aldizkarien Gordailua Susa argitaletxearen egitasmoa da.