Ernai!

Aurraitz

Euskeraren zaurietatik

ibitzen doaz oitura,

jaurespide ta izakera,

tamal goibelduz eguratsa.

Igaste onen epai latzak

zintzoen odola artega.

Zentzuna erkindu baga

jokatu daigun adoreaz.

Ekandu onen sorbaldea

Erri-izakeren euskarri.

Muker ba-gaitez, sen-urri,

ezingo geureari eutsi.

Euskel-soiñuak erdel-aizez

il-eresien ots motel.

—Ezkaitezan izan tentel—:

Gabizan arduraz ta bizkor.

Aize arrotzen txistu-otsak

nastetsu ta illun egutsa.

Egun larrien anotsa

dantzugu, zemaitzaille, urrean.

Adore bage ezkaitezan lo,

inguruan gudu-irrintzi.

Geurea ba-dadigu utzi

erdel-ekaitzak iruntsiko.

Euskeraren zauri gordiñak

zentzun zuzena osakai.

—Geurea aldezteko ernai!—

txepelkeriz gal ezkaitezan.