Bakartade zurtz ontan

B. Gandiaga

Bakartade ain zurtz ontan

bai dala eder ixilla,

bai dala argi ta zabala!

Ez dago oraindik artzairik

ainbat ardi-lorratz dagon

Artzanburu aldeotan.

Dena ageri da oraindik

oiñezkoen itzal gabe.

Zelai ta malda gozatsuz

bedar xee bat bai ba-dator

sortuz, orlegi ta bigun.

Tordantxak bai gora-beera

ta belatxinga talde bat,

oiek be ageri dira

misterio ta lillura

aide garbian marratuz.

Sakon-uneetan oraindik

edur-pillak ba-diraute,

et'oraindik ageri da,

edur-tintaz baltzituta,

egalen bat edo beste.

Baiña geiena —ta igazko

ardi-bidexkak, batez be—,

bai dagoala garbi!

Ta ba-dabil bat emendik,

ain zoriontsu ta ain jare,

erreñu bikain bateko

jabe doatsu bailitza.

Ta ixil eta bakartade

eder eta argiz doala,

nai leuke bertan gelditu,

larre-txoriok bezela.