L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1968 I-II Bakardade (1968-urtarrila/ekaina) —Hurrengo artikulua




 

 

Beti dago egun bat

 

B. Gandiaga

 

Beti dago egun bat

beti gaba ta illargi,

beti izarrak ta illuna,

beti eguzki... beti

bizitza nire biran

bira-biraka irauli

argiari illundura

ta illundurari argi.

Beti uste ez nebana

nire zorien zori.

 

Itxasoa... nork daki?

Gurari ta ilusiño-

zirimolatan noa

orain urbeera gero,

noizbait, geldi-zokora,

une-erdi baterako,

ta, aurrera ta gurari

ta ilusiñoz barriro?

ta uste ez nebana beti

nire zorien zori.

 

Nora noa, Jaungoiko?

Norantza naroazu

urgoibe erotan zear

kolpe ta estropezu?

Eta ia indarrik gabe

etsi eta gogaitu

narraio bizitzari.

Ia ­ai!— uste ezin ori

paratu egidazu

nire zorien zori.

 



Literatur Aldizkarien Gordailua Susa argitaletxearen egitasmoa da.