Azken printza legorra

J. Josu Argiñarena

Eguzkiaren azken printza legorrak

samindua utzi ninduen;

egunaren zear jasan ziren uneak

berekin zituen soñean;

Une bakoitzak betea zuen

bere egin bearra

Izan zan, eta...

penarik eztu bere utsean...

Zergaitik! Zergaitik!

illunabarreko azken printza galduak

ereiten du nigan kezka bat...?

Nor ote litzake

azken dirdai bildurti orrek

egunero dakarkidan dei ixilla,

azaldutzeko laiñ?

Mundu lotu onengandik

egan egin nai dut;

nere printza maiteari

berekin eraman nazala

eskatuko diot biar,

bere sorbaldean ahaztu ditzadan,

—ark argitzen duen—

nere mundu onen kateak

ematen dizkidan arantzak! ...