Baiña... zergaitik!

J. Josu Argiñarena

Jauna, zergatik duzu

gizona maitale egin?

zergaitik sortu duzu

gorrotoa dakarkigun

maitasuna?

Eguzkiaren eta odeien

arteko gudaren antzekoa

bizi da gizonengan;

dolarrarekin gizonaren odola

erosten ari gera,

errurik ez duen gizonak

landuko duen baratzan

ixuritzeko.

Gizonek beren bakardadean

maitasuna ezagutu gabe

bizi izan balira...

eguzkiak ez ote zuen lurrean

zoriontsu geiago

ikusiko gaur goizean?

ta illargiak, gorroto

ez dan gizona?