Nai det... Ametsa

Leon Felipe

euskaratzailea: Muniategi'tar Sabin

Ez niri geiago ipuinik esan,

oso urrundikan nator bai

ta, ipuin guztiak dakizkit.

Ez niri geiago ipuinik edestu.

Edestu nazazute

bein ta berriz amets au.

Puskatu zazute

puskatu bai nire ispilluak,

desegin nire urmelak,

lakirioak,

erastunak,

esiak,

sareak,

maratillak

ta beste olako antzeko bide guztiak.

Ba ez det nai,

ez det nai,

ez det nai,

ez det nai ipuinakin kulunkatua izaterik;

ez det nai,

ez det nai,

ez det nai,

ez det nai ipuinakin nire ao ta begiak estaltzerik;

ez det nai,

ez det nai,

ez det nai,

ez det nai, ipuinakin lurperatua izan nadin; ez det nai,

ez det nai,

ez det nai,

ez det nai, Aldian iltzatua ikusi nadin;

ez det nai uretan, ikusterik,

ez det nai lurrean ere orrela izan,

ez det nai ari likits bat bezela matazari lotua egon.

Aizean ikusi gura naiz,

aizean ikusi gura naiz,

aizean ikusi gura naiz,

aizean ikusi gura naiz.

Nai det... Nai!... Ametsa... Amets!

Amets dagin zomorrua naiz... ta amets dagit...

Egunen batean ikusiko naizala egazean aizean!