Maritxuri

Ibai-ertz

Zuregana bertsotan

nator gaur Maritxu

bide txarrak arturik

zabiltz Mari, itxu.

Aundi naikeri orrek

indar artu dizu,

zuzentzen ez ba zera

damutuko zaizu.

Izenez Maritxu ta

abizenez Alda,

ederragorik emen

eundo izan al da?

Lujo guztin neskame

jantziz mini falda,

Luziferrek zurekin

egingo du salda!

Nafarron sortua da

gure neskatx ori,

len morena genduna

orain ille ori.

Gazte sasoiko da ta

lujora erori,

auxen gertatzen zaite

neskatxa erori!

Alkool zale zabiltz

baztertuaz ura,

orretxek galdu dizu

len zendun zer ura.

Orrela nola sartu

Maritxu Zerura?

Arren jokatu zazu

kristauen modura!

Ondartzan pasatzen du

eguna etzanda.

Nola alda liteke

orrela etzan da?

Kasorik iñori ez

egiak esanda

bururik ez dunakin

zertako demanda?

Maritxu ikusita

gazteak artu su,

zer okasio zeran

kontura zaite zu!!

Inpernuko indarrak

zerekin dituzu,

arren Maritxu, maite

ondu bear dezu!

Eguzki kolorea

sartu zaizu zuri,

len ederrago ziñan

dana zuri zuri.

Arpegiz berdin gabe

ta gorputzez guri,

modaren mende danik

ez ekarri guri!

Sarritan or zabiltza

zigarroak errez,

lana utzi zenduan

bizi nairik errez.

Gorputza saldu nai zuk

asetzeko urrez,

laixter dirurik ezta

sasoia urre ez!

Ondo esanagatik

zuk belarriak sor,

gasturako beti prest

ta kontu danak zor.

Maritxu etzabiltz, ez,

aldi ontan jator,

ortik bein betirako

galbidea dator!

Biotzeko Maritxu

au gogoan artu:

«Lujoa dala bide

bizitza ez txartu.

Bide okerrak utziz

onetara sartu,

garbitasuna gordez

obe dezu zartu!

Berriz etorri zaitez

zu zere etxera,

orrela bizitzeko

sortua etzera.

Atoz guraso zarrak

gogoz maitatzera,

jakin oraindik oen

biotz-muña zera!

Garaiz artu beazu

pekatuen pena,

bestela trixtea da

gero datorrena.

Jakin damutu bat gaur

Goian dagoena,

zure antzeko bai zan

MARI MADALENA!