Barri onarena

Muniategi'tar Sabin

Barri onaren zantzoa da bai

Iaiotza baten oiartzunez

ta, ingurua jorantsu, alai,

oi dan ongura, poztasunez.

Kanta ta dantza Gabon gauez

munduari berea emonik

baiña, ez aztu itsurik

aldameneko miñ oñazez.

Ez aztu ez estu ta larri

bizi dan zeure senidea,

ez aztu ez zeure kidea

ainbat biziera negargarri!

Benetako gogo kemenez,

indarturik bakearen sua,

zabaldu, iriki bai biotza,

munduaren asarre gaiñez.

Benetako maitetasunez

lagun urkoratuz eskua,

urturik gauaren izotza

egitazko berotasunez...

Izan anaiaren anaia

gizartearen onuragarri;

izan lurraren aitzur, laia,

gure Aberriaren eusgarri.

Izan ezti, ta aberaska,

erlontzi aberats sakona;

gogo argiko usin, aska,

geroaren gozamen eder, ona.

Euskelgintzazko lanean

ekin erlearen ekiñez,

billakuntza etengabean

bizi-ametsik ederrenez.