Mari - Panpox

Ugarte'tar Martin

Nundik zatozkigu irriparrez,

eta nora, albistari txiki;

zazpi soiñekoz panpox jantzia,

ta zazpiek bitxi-bitxi?

Txuri-beitx, orixka ta pinttarre,

zenbat puxketan nork daki...

Leena kentzeke ez ote gero

gaindik pollitena jantzi...

Ta, zertara egarazko xotil,

gizaki lotion betartera,

negu-zorrotik iges datorren

oskarbiaren arabera?

Jira-biraka, keiñu ta axanpa,

lau egotxoak batera;

argi-leenan ezkil ttankara

baiziñakean antzera...?

        Egazka artxo jostalaria,

        mireskatuaz lur-mamia;

        zuk aurrez dakarkiguzu

        alda-giroan berria...

Kozka-moxka bakoitzen

tarte neurtuan kiribilka,

lore-niniei belar izpiei,

aldian birritan mun emanka;

uin txaldanak arrotzen daron

lurrin ezkoan ega-txaplaka.

Une-uneka jetxi ta altxa,

iolas leloan belar-loretan;

anka-maxkarrez izpi-mizpika

ariltzen gisa abian bertan.

Loreek diran ainbatsu begi,

ego bakoitzak auts-axal ortan...

        Arrotz baiñan maitagarri,

        aldioroko neskame.

        Ez egazti,

        ez narrastari...

        Ez diguzu esan nai,

        zer zeranik ere?

        Ezkongai muxu-berri,

        egungo ikustale;

        nora-ezean,

        alderantzean...

        Iñoiz utzi ote zaitugu

        eskertu gabe...?

Billuztasun antzuaren baitan,

odol otzeko artxo bat baizik.

Ameraunki egats txepelez

ez lumerik,

ez illerik;

milla margoen naaskera arturik,

bi azkaxal-bete auts-lika ezkoa.

Auxen zaitugu bakar-bakarrik!

Alda-giro neurtuaren zilla,

bizi-lege mugarria;

ta zuri ere, moteltzen doakizu

egarazka biurria...

Nora ezkutatzen zera erio-beldur,

mitxeleta jostaria?

Auts-gizi ortandik sortuko ote

gero-oiñaren bizia...?

Baietz diozu...?

... —ez oin, da ez ego,

artxo iguinkor nagia;

baiñan geroak ba'deza,

nik darodan

eder-lillura guzia...—