L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1982 (1982) —Hurrengo artikulua




 

 

Eder da krabeliña

 

A. Onaindia

 

Eder da krabeliña,

zu, Igone, ederrago;

miresgarri zaiataz,

zu miresten nago.

 

Gizaki-baratzean

zakustaz lerdenki,

larrosaren aillean

usaiñez ixurki.

 

Gazte sasoiz orrela,

gorriz txit margotsu;

ekaitz artean bere

ez zu iñoiz izutu.

 

Eder da krabeliña,

zu, Igone, ederrago;

miresgarri zaiataz,

zu miresten nago.

 

Zu zaitut kardantxillo,

zeru goi-goi kantari;

naiz garitza emean

soiñu emokari.

 

Erlauntza zaitut gozo

muiño egalean,

txit lanari lotua

ezti markatzean.

 

Gurin iario beti,

urrezko margoa;

iñoiz ez gogaikarri,

orrazi gozoa.

 

Eder da krabeliña, zu,

Igone, ederrago;

miresgarri zaiataz,

zu miresten nago.

 



Literatur Aldizkarien Gordailua Susa argitaletxearen egitasmoa da.