Neurekerak

Muniategi'tar Sabin

Ontasunaz ederrera

mundu anaitsuago baten

lagun arte, gizartera.

Maitasunari eskerrak

ederrik loratzen dira

nire egunen iberrak.

Maitasunik ez banuke

goibeldurazko munduan

otzakilduko nintzake.

Soil-soilik ametsa naiz

udeberritar lurriña

itxaropenezko emaiz.

Egun ona zait atsegin

ekaitz gaiztoak ordea

biotzean ematen dit min.

Arako gau sakonetan

so dagit so goietara

izar argi billaketan

Nik ez dut ez izpiderik

nire oldozkunentzako

oldozkuna naizelarik.

Danik gogorrenik ere

eusten diot biziari

ibiliarren noragabe.

Gari-buru argidoiek

dizditzen dituzte bai

nire gogozko zelaiek.

Bizitzazko neke-pozez

gizabidez, bidebera

darrait egia zer otez.