L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1982 (1982) —Hurrengo artikulua




 

 

Urre dizdira

 

A. Zubikarai

 

Aitita neban arrantzalia,

piloto txiki aita guria,

naiago dot nik asko ikasi,

kapitan legez artu lemia.

 

Aitita beti eskamak kentzen,

aita ostera galoiak zaintzen,

lemako jaube egiten ba naz

Inditara ni urrea batzen.

 

Urreak dakar ospea,

urreak dakar dizdira,

ekarko dautsut Katalin

urre gorrizko katia.

 

Urre gorrizko katia,

zillar zurizko domiña,

nire kapitan izarrak

eingo dautsue argia.

 

Beti tatarrez ezautu neban

amonatxo zar eta igarra,

ama ostera ezin zainduta

pilotoa zan aita gangarra.

 

Urrezko pitxiz jantziko zara

nigaz ezkontzen zareanean,

kapitanaren dama lakorik

ez da egongo errialdean.

 



Literatur Aldizkarien Gordailua Susa argitaletxearen egitasmoa da.