L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1983 (1984) —Hurrengo artikulua







 

 

Umezurtzaren musua

 

A. Zubikarai

 

Zabal, zabal, zabala da itxasua,

sakon, sakon, sakona bere ondua.

 

Ta itxasoaren gaiñean

gangar eta arin,

zoro ta sorgin

itxas aizea,

gure kidea.

 

Ta itxasoaren onduan

orru ta orru,

zurru ta murru,

itxas indarra,

bits ta aparra.

 

Ta itxasoaren erdian

bilin bolonka,

kulun kulunka,

aita gaixoa

bertan ittoa.

 

Oi itxasoa,

ur ta laiñoa!

Ba daukat zutzat

musu beroa!

 

Amaren miñez

laiñoz batea,

semien malkoz

urez asea.

 

Oi itxasoa,

ur ta laiñoa!

Tori, aitantzat

nire musua.

 

Zabal, zabal, zabala da itxasua,

ez al da bertan galduko nire musua?

 



Literatur Aldizkarien Gordailua Susa argitaletxearen egitasmoa da.