L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1983 (1984) —Hurrengo artikulua







 

 

Maitasun bakarra

Jose Mari Azpiri

 

                                Doñua: Ikusten duzu goizean

 

             I

Eguzkiaren irtera,

Egunarekin batera,

Eldu da nere atera.

Gosaldu eta berealaxe

Nua lanean astera;

Arresi zarren ostera,

Toki batetik bestera,

Ogia irabaztera.

 

             II

Eguna igaro danean,

Eten gabeko lanean,

Aurkitutzen naiz kalean.

Lantegi dana gelditutzen da

Ixilik bakartadean;

Illuna datorrenean,

Nua etxera bidean,

Pentsatzen atsedenean.

 

             III

Eguna utzirik atzean,

Etxe barnera sartzean,

Amarekin aurkitzean.

Afari on bat prest izaten det

Maira inguratzean;

Gu biok exeritzean,

Elkarri begiratzean,

Poza degu biotzean.

 

             IV

Beti ari da galdetzen,

Nere barnea aztertzen,

Ba-du zerbaitek kezkatzen.

Berak nai luke ni ikustea

Neskatilla aukeratzen;

Eleiza bidez ezkontzen,

Oiñordeko bat jaiotzen,

Sendi berria loratzen.

 

             V

Ez du merezi asterik,

Gutxio buru austerik,

Oraindik nago gazterik.

Ama maitea zuk ez dezu nai

Ni mutil zar ikusterik;

Zu baño andre oberik,

Ezta munduan besterik,

Ez det bear emazterik.

 

             VI

Nik daukatan ondasuna,

Aspalditik dakizuna,

Zuretzako maitasuna.

Ama zu zera mundu ontara

Ni ekarri ninduzuna;

Betiko laguntasuna,

Bizitzako poztasna,

Nere zoriontasuna.

 

             VII

Gazte ziñala andretu,

Mutil on bat aukeratu,

Bera betiko maitatu.

Ezbear batek zure senarra

Egin zuan lurperatu;

Alargun ziñan geratu,

Ni ume-zurtz munduratu,

Ez nun aitik ezagutu.

 

             VIII

Berari begiratzean,

Zarra dala oroitzean,

Miñ artzen det biotzean.

Zer izango da nere bizitza

Ama Iaztana iltzean;

Maite nuana galtzean,

Bakartadea sortzean,

Bakarrik etxe utsean.

 

             IX

Ementxe ainbat urtean,

Bizirik zauden artean,

Beti gu biok batean.

Nere poza da zu ikustea

Gure etxeko atean;

Zure muxoa artzean,

Nik lanera irtetzean,

Naiz gauean itzultzean.

 

             X

Ama, gu bion arteko,

Gauz danak ondo joateko,

Zugaz batera ilteko.

Jainko onari eskatzen diot

Nere deia entzuteko;

Bakarrikan ez uzteko,

zurekin eramateko,

Grazi auxe emateko.

 



Literatur Aldizkarien Gordailua Susa argitaletxearen egitasmoa da.