L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1984 (1987) —Hurrengo artikulua







 

 

Nere izarra

 

Pedro de Anasagasti

 

Negarrez nenbillen,

negarrez begiak,

barruko txoriak.

 

Illuna biotza,

atsegabeko itza,

garratza bizitza.

 

Ez nitzan leiala.

Ez nitzan zuzena,

bakarrik ergela.

 

Gallurrean opa,

zerurantz zentzuna,

josia gorputza.

 

Gizona ondatuta,

ankak bai lurrean.

Lur jota kemena.

 

Gabeko zeruan,

gorengo urdiñean,

izarrak izketan.

 

Artu nun izarra,

Jaunaren begitzat.

A zan atsegiña!

 

Izarra zan deia,

Maitasunarena,

beti sutan dena.

 

Ez nintzan umezurtz!

Baneukan izarra:

Jaunaren sugarra.

 



Literatur Aldizkarien Gordailua Susa argitaletxearen egitasmoa da.