Orri zimelezko soiñekoan

Juan Larrea

Muniategi-tar Sabin

Amestu nagizu amestu laster lurreko izarra

nire betazalak ereinda ar nazazu nire itzalezko eusgarrietatik

atxurdin gorizko egoz lerrokatu nazazu izar izarra nire autserre artean

Aal izan aal izan azkenean nire xeraduran irudia

eguzkidun gizuren batena oñak uraren azalean

begiak neguaren biotzean

Agur munduari nire agurrezko amets artean

gizonak

agur gizonak eta euren eskuetako erritxoek

Alde guztietatik ezpatak dagoz nautela ebakitzen

zatietan

oh

ezpatazko ur-jauziak

Ezpatazko ur-jauziak da abiatze agindua

ni naiz dana abiatzen kobazuloz gain

buru-azurrak lez kirrizkarrazka

Iñor ez zegoen lenago izalean

Orain ni naiz baiña ni ez naiz neure jabe

nire begietan lo egiten duten

txoriek jabetzen zaizkien

baiño geiago.