L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Plazara aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Plazara. 4 zkia. (1986) —<plaz0400>




 

 

—Hitz neurtuak—

 

Poema bat eta hiru bertso, negu mineko

 

Patxi Perurena

 

Mahasti zaharrok idortzean

 

                                                        Txoko zenari

 

Bohemiako karrikak baino laketago hituen

Sagastitik Larreara bitarteko ostatu ilunok.

Gaulehenean, hilargi emaztea lagun

hontzekin batera ateratzen hintzen

hire gordeleku ezkututik gaua maitatzera.

Lami eta sorgin amoltsuen solasean

paradisu urrunak erakusten zizkian gauak

bere hatzapar ilunaz ekialderuntz seinalatuaz.

Gauak eskaini zian mahatsaren nektar gozoa

gauak, Jainko lotsati ororen odol noblea

gauak, cognaca gorrantza ezinago hobeak.

Gaua izan duk hire gidari zintzoa

bere begi bakar haundiz, hire ametsen urgazlea.

Baina ezustean, egunargia etorri huen

hire amets birjinak kolpatzera.

Hertsiak hituen ordurako ardandegiak oro,

eta arnorik ez den lekuan Venus hotz izakio.

Baina hil, ez duk deus hiltzen, ametsetan hago.

Baldin bizitza amets luze bat bada, iratzarri zertako?

Eska ezak zeruan arno, hor badukek haboro,

hordi hadi betirako, eta egin ezak lolo.

Mundu krudel honetako ostatuak hertsi orduko

horma joanak dituk Jaunik ohoragarrienak

Joyce, Meagher eta auskalo zenbat Enperadore.

Hik ez duka bada, haiek bezainbat ohore?

Ihes egin zian Jon adiskideak ere

Pigalleko mahastiak ahortu zirenean.

Li Po-k ere horditurik partitu omen zian.

 

Mendi otzanok beren gabardina zuria erantzi dutenean

ibar ilunotan barrena errekak behiti zihoazek

hik hain maite hituen itsas kaio zuristak:

etsipenaren hegitik adieraziz hemen dela ekia

bere ezpata leinuru zorrotzez urre gorriz jantzia.

Ikaraz utzi dut gure soina, herio amets goibelez,

mahasti zaharrok idortzera ote doazen bildurrez.

Ez hadi esna faborez, bela hor gaituk eta nektar gozoaren galdez.

Eska ezak zeruan arno, hor badukek haboro

hordi hadi betirako, eta egin ezak lolo.

 

 

website free tracking



Literatur Aldizkarien Gordailua Susa argitaletxearen egitasmoa da.