L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Plazara aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Plazara. 5 zkia. (1986) —Hurrengo artikulua




 

 

—Iparraldeko poesigintza—

 

Atxik azu

 

Marixan Minaberri

(1926)

 

Jiten zira

Jainkoaz mintzatzera

Diozula

Hura dela bakarra.

Ez baniz axolatzen

Ifernua

Dutala merezitzen.

Murritza da

Zure elhe minkorra,

Larderia

Duzu bihotz sukarra.

Atxik azu

Zure Jainko idorra,

Haren orde

Duzun mamu itxura,

Eta zure

Mehatxuzko legeak.

Hotzak dira

Zure hitz lazgarriak;

Bertzekilan

Galdatzen daut arimak.

Jainko mina

Barna dut bihotzean,

Nahi nuke

Errege ene baitan.

Emadazu

Ezperantza xumea.

Eta aipa

Karitate beroa.

Egarri naiz

Amodiozko suaz,

Gosetua

Egiazko fedeaz.

Atxik azu

Zure Jainko idorra;

Nik behar dut

Jainko bihotz suharra,

Berotzeko

Haren argi sutsuan,

Suntsitzeko

Guzia haren baitan.

Ez banuzu

Deustan laguntzen ahal

Zoaz urrun,

Ez dezazula itzal

—Ene baitan

Doi-doia bizi baita—

Fedearen

Brasa pindar ahula.

 



Literatur Aldizkarien Gordailua Susa argitaletxearen egitasmoa da.