L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Plazara aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Plazara. 5 zkia. (1986) —Hurrengo artikulua




 

 

—Iparraldeko poesigintza—

 

Sua

 

Jon Casenave

(1958)

 

Amorio, amorio

zure adoratzaile nasaia

izana naiz anitzetan.

Bainan behar dut aitortu,

nauzula aldi honetan,

bihotzeraino larrutu.

 

                                                     Zuek

                                          oroimen efemeroak

                                                  iduzki gorrian

                                         ene ihizi bakarrak.

 

Arratsaldeko argi dorpean

erleak erne dabiltza.

Zama ezin jasan, denek,

jende ala abere,

itzala bilatzen.

 

Haize hegoak

ahurrean bildua

lur egarria

                                                    Uda minean

                                             aspalditik nago

                                                    hauts egina

 

Larre honen iratzean

sugeak bilduak dira

larrua berritzerakoan

ezin egonak bait dira

 

                                                   Ene malenkonia,

                                              harezko erresuma,

                                                      jastatu ote dut

                                         hire bizkarraren ederra?

                                             Nagok ez dudanez

                                               hire baitan galdu

                                              gelditzen zitzaidan

                                                       izan apurra.

 

(Ordu alferren segida)

 



Literatur Aldizkarien Gordailua Susa argitaletxearen egitasmoa da.