L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Plazara aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Plazara. 14 zkia. (1990-udaberria) —Hurrengo artikulua




 

 

—Bertso paperak—

 

Bertso berriyak

Inaxio Mujika Iraolak jarriyak

soldaduskaren gañian

 

Inaxio Mujika Iraola

 

                                Doñua: "Berdabiyoko bertsuak" Oihartzungo erara kantatuak.

 

Loyolan bada gizon trixte bat izena du Inaziyo

Bere bizitza negargarriya ta hamaika amorraziyo

Kontatzekotan egiñak ditu bertso hauen asmaziyo.

 

Loyola auzoa len zan argiya horra bihurtu illuna

Azaro hilak hogeitazortzi etzan atsalde biguña

Ordun hasi zan siñaramente sofrikariyon higuña.

 

Bertso hauexen kontu ematen ai naiz imajinariyan

Bi orduotan badut astia lokartze ez banaiz ariyan

Jaun Zerukoa bertan badago kupittuko zait agiyan.

 

Ez pentsa gero Jaun Zerukuaz nagonikan ahaztuta

Kakaztua dut hamaika bider ile guztiak laztuta

Len esan gabe nituen hoyez migaña daukat beztuta.

 

Goizian goizik dianarekin turutaz lehen pregoya

Astindu luan orratzak eta segiran txukundu oya

Probatu gabe zail da jakiten nolakua dan pozoya.

 

Armas al hombro, firmes, descansen, azkenik paso ligero

Kaka ittekore formatu bihar, diziplina dute gero,

Erraz da agintzen nahi dan guztiya gañetik egon ezkero.

 

Hasi Alferez alferrarekin, mutur beltzena kapitan

Komandantea ze tunantea, maiz Koronela erritan,

Ez duk txikiya alu kuadrilla petxuko izarren argitan.

 

Apenas duen petxuko izarrik buruko argirik luzitzen,

Hemen guziak barrabillaren lilluraz dira bizitzen

Pelota txiki biren mendian eztakit nola gabiltzen.

 

Sarjento jende, Brigada xarrak, pena ematen didate

Kuadrilla honetan badirelako hamaika kalamitate

"Quiero y no puedo" ugari eta tontoena da alkate.

 

Bi eratako manduak ditut etxe honetan ikusi

Lau hankadunak ondraduenak, bi hankadunak nagusi

Gainerakuan igual-igualak beren buztana ta guzti.

 

Beste gauza bat penagarriya kuarteleko arrantxua

Ustel usaya du haragiyak, harria da garbantzua

Nahiago degu latak irekiz ogitartian antxua.

 

Hamabi dira hillabetiak, horra hamabi bertsuak

ez dira alferrik beraz izango eginiko errezuak

Zorionian "ez dok hamairu", altxa ditzagun besuak.

 



Literatur Aldizkarien Gordailua Susa argitaletxearen egitasmoa da.