L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Plazara aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Plazara. 15-16 zkiak. (1990/91-negua) —Hurrengo artikulua




 

 

—Hitz neurtuak—

 

Inora ere ez

 

Karlos Zabala

 

 

 

Intxaurrezko txalupan

 

                                                        "...bakarrikan banoa

                                                        itxaso gainean..."

                                                                  (Itxaro Borda)

 

Itzal eta arrain usaina darie

     kale magikoei

Beste itsasbazterrean daude lagunak

     odeiertzeaz haruntzago

Metafisika gaur egun ahalegin kementsua

     egiten ari da atsolutu zati bat eskuratzeko

Txontxongilo eta aingeruek loturik daramate

     Bertrand

          matematiken paradisura

               arrastaka

Zorionaren iturrian edaten dute isilik auzokoek

     ez zara egarri, Bertie

Berriz jaio da Lazaro mundura

     familiaren negarrengatik

          berari kontsultatu gabe

Nolakoa da beste itsasbazterra?

Han ere mazurkaren doinuak

     tristatzen ditu altzifreak?

Bertie, Lazaro, arratsalde urdin batez

     igo zaitezte bere lurrera

baratzeko lehen lirioek, lehen arrosek

     argituko dizuete bidea

bide usteldua

     ur eta lokatzez

Igo Elorrira

     oroit alargunez

eta elizdorreko erlojuek zazpiak jotzean

     heda belak portuan

goazen itsasoz bestalde.

 

 

 

Aldatuko ahal da!

 

Irudi biziak

Ponpeiako korridore lurperatuetan behera

jarraitzen zaizkizu

ene burmuinetan hondoratzen zarelarik

ez hitz politik,

     ez adjetiborik

altxorra non dagoen jakin ez

     mapa

          saguek jan zuten

boomerang-fobiak jo gaitu

     ez dugu berriz itzuli nahi

altxa ezazu harria!

     ene besoak usteldu dira

habaila

     ordezko hortzez eutsiko dut

          lagunduko zaitut

               argitara jaio zaitezen

                    irudi biziekin kontra

                         neuk burrukatuko dut.

 

 

 

Esperoan

 

                                                        "Batzutan, ordea,

                                                        atertu egiten du erabat."

                                                                 (Juan Luis Zabala)

 

Desira izaten segitzen duen desiraren maitasun burutua

     da poema, e, René?

Ponpeian, 41. urtean, zubitxoan eseririk,

     tximistarekin topatu nahi genuen

          satorrek, arratoiek, kilkerrek ezin zuten ezer egin

   lurjotako itxaropenak

   enara urkatuak

Poemak ez zuen oroimenik

   zorionez

Nik ere nahi nuen modelo bat

     nere poemetarako

          izotzezko erromesa

                                  edo

               haizezko arlotea

E, René Char! garratza dugu gaurko erretilua.

 

 

 

It isn't half cold!

 

Sorginak Central Park-en

Epaile jaunak goxokiak eskatu zizkion

               apo bihurtutako itsasneskari

Happy Halloween!

Erratz hegalariak manna-euriaren artean

Kuasimodok

     ez zuen txantxangorriak baino buru gehiago izan

          halere

               kopeta beltza oraingo komikietan

denbora eta espazioa mugatu ez binetetan

                    historia narratzeko

bortizkeria odola sexoa ironia

     Richard Corben-en marrazkietan

     otso-gizona

          Maryara printzesa salbatu nahirik

Erdi Aroko errege eta aztien

                                            fanzineetako

                          tanke blindatuak lehertu

Zoom urderground

     superbibentziari eskainiko dio kantaren bat

          tenore hutseginak operan

Zauri-oinazeak otoruntzan azkenekoak

     eta Goleta

                     arbolak dituen itsasoan badoa

     mastak enborrekin bezeizi ezina

izaki mutante okertuak eskifaia

mamutzar bakartia lemazaina

     eta azkenik, zu, Jean, komandantea

Lurrikara zumea bezain biguna izan zen

ilunabarrean

     kanpoan ez zuen inoiz horrenbeste hotz egin.

 

 

 

Onak desagertu dira

 

Kondorra izan da lekuko bakarra

 

Temankel urrutiegi zegoen, beti bezala

     Kenos berandu iritsi zitzaion

          berri lazgarria ahotan

 

Guanakoak geldinik daude

     Suaren Lurreko Irla Handian

 

Ona indioek ez zekiten igeri egiten

     39 familiak deuseztatu dira

                    basamortu gorrian

 

Larruazala marra zuriz tintaturik

     dantzatu ziren azken aldiz

          zurdez egindako arkua tinkatzeari

               utzi diote, hezurrezko

                                harrizko gezirik ez

                                paraje endemikoan

 

Maskaradun gazteak

     ez dira kloketenean ari

          iniziazio-errito krudela

 

Larruzko etxe gehiagorik ez

     munduaren xilkoan

 

Bi arranoek ziria sartu zioten Zeus-i

     Delfosen ez bait dago planetaren erdigunea

          Onfalosak hemen beharko luke

               hilerrian

                    Onen bizileku izandako honetan

 

                    Kondorra izan da lekuko bakarra.

 

 

 

Txaboloan

 

                                                "Badakit askoz ere

                                                nukela hobea

                                                ehori ez agertu

                                                ene dolorea

                                                odolaren mintzoa

                                                eduki gordea

                                                nahiko nuke bainan

                                                ezin dut ordea."

                                                              (Xalbador)

 

Gogoratzen zara itsasoaren koloreaz?

Patioaren murruek zerua lotzen dute

Bakearen uso zuria

                 Baroi Gorriaren kontra

Kaleko igelak telebistan

Japondarrek

         Askatasunaren estatua

                erosi dute yen-ez

 

Eta basoaren freskuraz?

Plastikozko jainkosa karabilkatzen ari da

        herrizkaren plazan, suaren xilkoan

Buruz behera erori zen

        piraten burua

                mastaren goikaldetik

Arropa-kutxa zaharra, burdinazkoa

        bidaliko dizut

                ihauterietan

        eskuta zaitezen

                izarren imanak

                erakarriko zaitu ilargi aldera

        garizuman

                hango itzaletan masiatuko ditugu atsekabeak

 

Gogoratzen zara mendiaren doinuaz?

        Duintasunaren armadura duzu

        burdinazko kutxa zaharrean,

        jantz ezazu zure urtebetetze egunean

        abandonuaren ederra.

 



Literatur Aldizkarien Gordailua Susa argitaletxearen egitasmoa da.