L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Pott aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Pott bandaren blaga (Non gertatu han ostatu) (1978-ekaina) —Hurrengo artikulua




 

 

Eurite haroetako gogapen ezteusak

 

Orkesta bat isiltzeko lain indar banu

ez nintzateke hibaiondora joanen

zumitzezko bardaxkaren bila.

 

Behi txahal eginberriari

orruaka ari denean

kumearen ahoa erroan falta zaio.

 

Zu eta ni bat bagina

ezinen ginake elkarri so gera.

Elkarri so geratzen bagara,

zuk ni eta alderantziz,

irentsiko ginake ezereza sortuaz.

Ezerezak ezereza baino ezin dezake sor,

hortaz ezereza gara.

Baldin eta deuseza bagara

honelako lelokeritan nahasten garalako

izanen da.

 

Zein den sendoagoa

janaren plazera ala aldiz barauarena.

 

Doakie miresmenik beroena

heuren historia ahantzi duten herriei.

Historia harroak ez baitu

bera ez beste jainkosa, azti, sorgin, mysteriorik onartzen.

 

Jimuren sendatzean

orok autobus bat alogeratuta,

puxika gorri, hirinezko orhe,

bolanderazko soinekoz jantzirik

abiatuko gara 2 urteko bihotza

eta 50 urteko haragia soinean daukatenen

lurraldeak agurtzera.

 



Literatur Aldizkarien Gordailua Susa argitaletxearen egitasmoa da.