Maiatzean amaitu bi poema
(bat kantatzekoa)

Bernardo Atxaga

1.

kamamila edanez ere egin nezake esaera luze bat adibidez

          setiatua in the beautiful morning of Bilbao

            gauaren setio apika krudelagotik ihes edota

      lehen argiau ere ez da murraila trasparente bat baino

esan nezake lokutore batek-of burua behera bota du gaur

   mikrofonoak kobra bat bailitz egiten ziolako txistu

eta erantzun nezake ni naiz diasporaren ontzi nekatua

ene oroimenean bizi da sakabanatze guztien kopia bat, yeah

Orain dela anitz denbora (orduclanik, esan nezake,

      bost hibai pasa dira clepsydran barrena)

Micenasko palazioan JAUSI berdintzearekin batera

         sasoi ilun bat hasi zen Greziaren bizitzan

  anpoloi ustelez bete ziren haurren belarriak

                  bere zeramikak hauskorrak bezain-of

      kartografoen mapetako lur hipotetikoetan galdu ziren

        milaka nekazari, eta itsaso birjinetan gaixotu

orain nigan dago haien oinaze eta avitaminosis guztia

esan nezake baitaere suge bat izkutatzen da sagarrean

esan nezake zenbat eraztun zilarreztatu ene bihotzean

esan nezake neguaren haizea aditzera ematen da zoroki

ormetako orrialde publizitarien zarpailak of astinduz

2.

esploradore nekatu batek zer ikus lezake

tristeziaren metro kuadratu baten mugetan

limoiondoz inguraturiko kaminoak ezpadira

zer ikus lezake ardo perfumeko muinoak eta

eskifaia eroek gidatu untzi gorriak salbu

ikus lezake apika kristalezko irla batzuk

urre edo zilarrezko ziutate bat goizaldean

ikus lezazke suge erraldoiak, tigreak eta

bale urdinak ozeano epel batetan murgiltzen

ikus lezake bi emakume soineko laranjatsuaz

eguzkiak sututako orma baten ondoan eserita

ikus lezazke egun berreskura ezin guzti hoik

txori imajinarioen multzokada lez pa(u)satzen

oharra: eskifaia, tripulazionea