—Lan literario laburrak—

Mikel Hiribarren

Ekiak mardotuko...

        Lerro batzu irakurtzen has eta bertan nahiko. Beroak begiak aspertzen. Eguzkiak bere raioz jabaltzen...

        Sablearen gainean, urrats zorrotz. Gorputz legun narzizikoaren bidai arina, momento iheskor baten atsegina. Geroari eta biziari pentsa gabe gozatzen diren basamortutako lehen euri zorta gaziak. Sofa mardotan etzanik irentsi diren musika lasaiaren daldarrak goizaldera, leiho tartetik ikusiko den bruma nasaia eta eguzki bola gorri gorria. Zigarro rubio baten gostu usain iraunkorra. Ile dirdiratsu harroek hedatzen duten orienteko parfumo jorri subtila...