L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-6 (1982-azaroa) —Hurrengo artikulua




 

 

24 urtez (Feliz, feliz en tu día...)

 

Antxon Juaristi

 

Udazken garai honetan

euria lagun

iragan egunak berreskuratzen

hasten zarenean,

urtebete gehiagoren arduraz,

zeure behatz guztiak

kontatzeko haina

ez direnean,

pare bat urte

galduko zenukenean

konturatzen zara

hoiek ere zeureak direla,

egun asko dela eta,

nahi ta nahi ez,

zeure irri ta negarrak,

subastan,

preziorik gorenena hartuko luketela,

eta

urguiloz

parrezka hasten zara

Zorionak zuri

parrezka segi

            beti.

 



Literatur Aldizkarien Gordailua Susa argitaletxearen egitasmoa da.