Afusilamendu bihozpera baten istorio hesitua

Feliz Aiestaran

Tiro bat eta airea desmaiatua. Airerik eza. Haizea ferekaren arantzez zauritua. Tiro hotsa. Ezer ez. Hotza. Oihu bat erahila. Heriotza. Fusilak zutik. Gorputzak bilutsik. Bainu hotza. Haur baten jaiotze biluts odoleztatua. Hats printzatua. Airea kiskalia jadanik. Irrifar erauzia. Zuhaitzen dantza malenkoniatsuaz turraren soiltasun epela urratua. Tiro burrunbada. Zainetako biriken leherketaz begi kiskaliak. Haragi bizia. Piraina hozkada lehiaz bihotz zirrikitu odola husturiatua. Bakea. Puru lodi baten keaz igel lodi lehertua. Zerri kurriskak. Dardo fereka begietan. Irentsitako harmak ezpainetako komisuretatik zintzilik. Ezereza. Hondartzan pausaturiko eguzkiaren keinu ankerra. Gatu higidura. Larrua kraskatzearen zartadaz odol iturriak. Bakartatearen benekotasuna. Elkarrekiko begirada papereztatuak. Muinetako hersduretatik bideraturiko gas usain metalizatuaz adierazitako labainkada mina. Tira hotsa. Zaurituriko mandoaren azken hatsa bihurria. Bide zulatuak. Ezpata distiranteen haragi barneratze hozkia. Aire beltza.

haragiaren mututasuna

agindu oinuaz

fusil lerrokatuek

L  E  H  E  R  T  U  A

        Airea bere baretasun epelari ezin eusteaz, tiro burrunbada amaigabe batetan lehertu zen, adreilu printzatuez hornituriko ormaren aurka, isiltasun hutsalaz leunki itoak ziren desitxaropen kantak ez kimatzeaz. Balen mihiztoaz garun zipriztinak jaurtiak izan zirenean, gizonen samintasunezko oihu etsituez dardarikatu ziren mihiak. Isiltasun hesituaren afusilamenduaz, hauts idorra odolaren ttuaz kimatzeaz, gorpu murriztuak sakabanatuak zeutzatenean, aurpegi gordinak hezurgabetzeaz, grabitazioaren legeaz beherantza urtu ziren.