L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-10/11 (1984-martxoa) —Hurrengo artikulua




 

 

Eneko Olasagasti

 

Infanteriako gudariak

erropeen desjosiak galoiak

gurea otutzen ez zaigun western batean.

Inoiz ez dira kapitain izatera iritsiko,

ez dituzue, pelikulatan, banan bana erortzen ikusi?

Beraiek ez ordea,

pelikulatan beti lehenak

ezin beren burua ikusi.

 

Esnatu orduko gaua da,

eta esnatzeko saioa ta gero, nekatuegiak

ezertarako gudaritxook.

Trenak desitxaroz oihukatzen dio gauari zikloraman.

Nola esango du infanteriako gudariak interasatzen zaion

gauza bakarra

amodioa dela?

Nork sinetsiko lioke?

Laguna eta lagun baten arteko diferentzi bakarra

artikulua ote

galdetzen dit gramatika dakidalakoan.

 

Ez ditugu irudi aberatsak lortzen,

gauaren fotograma bakarreko biztanlea

bakarrik dagoela esatera ausartzen denean

beti azaltzen da baten bat,

tiro umezurtz bat.

Hotzak ateratzen dituen alkohol lurrunetan

elkarrizketa biharko pendiente

uzten dugu.

Trenak berriro, urrunago

desitxaroz oihukatzen dio gauari.

 



Literatur Aldizkarien Gordailua Susa argitaletxearen egitasmoa da.