Silberio Lopes

Hirurogeita piku urte

hatz bitartetik aldeginak

Mutil zahar aguretua

Igande arratsaldea eskatzean

Kontrabandoko magnetofoian tango nostalgikoegiak

Gaztetako dantzaldi eta plaza-mutil ibilerak bete xamar henbilela

orain oroimena.

Begiak ixten dituanean

irudi desgastatuak pasatzen zaizkik burutik halabeharrez

...hire aurpegi mutuko keinuak kontatzen dik guztia.

Oroimena gelditzen zaik (kostako duk horrekin disfrutatzea)

eta sufrimendurako une banaka bat.

Hau tango benenosoa.

Hogei urte eta banoa antzeratsu bueltatzeko

ardoz itoa, burua auzoan

Biharamonean

sikuteak brintzatutako eztarri hau eragin ezin

eta paper honen gainean zirriborroetan

nire tioaren jesto mutuak esaten zuenaren antzekorik kontatu ezinik,

tango madarikatu baten aginduz

nire aktoretza hau sarraparratsu oroitzen dihardut.

Antzerakoegiak gaituk Hipolitto

eta beldur nauk.

— Amateixu soiñu bedeinkatuoi!