Irma Rauch

vermelleak

vermelleak floreak oro

floreak ero baginatan

vermelleak ere zuriak floreak

vermelleak

arnoa dariela jario

gatza ai paret urratuei

baginatan floreak zuriak ero

eta vermelleak aiene

faloaren flujo zuriak

vermelleak

hillargi zorrotzenek zauriak ere

vermelleak

  bart gaueko zeru lanbrotsuan

  kometen itxurako xingola

  gorri hori urdin zuri berde

  eta purpurazkoek bakarrik

  aitzintzen zinaten sigi-saga

  xirimiri haize leunen kontra

(pasodobleak musika plazan

  eta hire lepoan labana)

  ahoa oro

  odol gaineztatuz

  suge labain

  fiza antzo

  karmin ezpain

  garratzetan

  xartatu zaizkiok

  beirazko zigarro

  lehertuaren

  orratz nimiñoak

(lore xuriz

  jantziriko

  azal lurrindua

  profanatzen

  ari zelakoan

  izterrak zizkion

  bortizki zulatu

  kantoi isileko

  morfina itsaso-

  tan jitoan)

  eta marinelak

  karrika bustitan

  andere iduri

  lagatu hau

  arrain usaineko

  violet font

  cabaretetako

  hankagorritatik

  xarmangarriena

  nardaz nigarrez