L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-14/15 (1985-uztaila) —Hurrengo artikulua




 

 

                Ta Marbuta

                Xabier Kintana

        Liburu honen bidez X. Kintanak «Iruña» kafetegiak urtero antolatu ohi duen literatur saria eskuratu zuen. «Elkar» argitaletxeak «Literatura beltza» deritzon sailean argitaratu du. Bai broma beltza berau, ezen irakurle adituak laster antzemango bait du liburuak, azala ezik, ez duela literatura beltza deritzon horrekin zerikusirik.

        Nekez aldentzen da nire gogotik liburuak sorrarazitako nahigabea eta, oraintxe bertan, aipamen hau egiten nabilelarik, gogorra egiten zait ezer esatea, esatekotan gogorra izango bait da. Gogorra bai; Kintanak dioskuna, palestinarrak «terroristatzat» jotzen bait ditu (eta adibide txikitzat aipatzen dut berau).

        Gertaera ganorabako baten inguruan tartekatu egiten dizkigu Israelgo Turismo Ministeritzak (Israel-Palestina okupatuan halakorik izatekotan, ba ote denentz ere ez dakit eta) egindakoak ematen duten azalpenak. Historiari gatz apur bat ematearren edo, maitasun kontu bat ere agertzen da. Egia esan, inoren lotsa sentitu dut irakurtzean. Sinestezinak egin zaizkit maiteminduen arteko elkarrizketak.

        K. Marx eta F. Engels-ek idatzitako «Partidu Komunistaren Manifestua» euskaratzailetariko batek, urte batzuren barruan, zelan idatzi ote duen halako liburua misterioren lurralde ezezagunetan galtzen den galdera erantzunezina da oraingoz niretzat.

Antonia Ormaetxea

 

 



Literatur Aldizkarien Gordailua Susa argitaletxearen egitasmoa da.