L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-25 (1990-martxoa) —Hurrengo artikulua




 

 

Jon Mikel Arano

 

Malezia

 

Malezia ezkutatu nahian

Itxurak gorde ziren lehenik

Gezurra

Egi idurian

 

 

Hire ziloak

 

Asunak garatzeko eta

ez beste edozetarako

Hire zilo guztiak

Osin beltzerako

Heure betekadak

Kanpai honi bitartean

Oi amoros

Dagizkio lau tanto

Balentina bat ezagutuko

Bizia dinadan artean

Eta hura atzeratu mentala

Bururatzeak ere badizkin

Ez ezanala halakorik egin

Arrosa gorri fresko askoak

Ildoan ez hitzanala aldatu

Ez behintzat arrosa lepamozturik

Nola dizkin hark pusak emanen?

Eta ez sikiera arantzarik ere

Ez baitzain ernalduko

 

 

Arbola gaiztoa

 

Noiz zabalduko ote da goiz hura

Zeinean egingo duten arbola gaiztoaz zura

Ezpal nimiñoenak surtara

Arbola gaiztoa beti pronto arbola gaizto izateko

Ez egidak uka erredios

Ez gintunteztean alferrik aspaldian

Sodomita izan horratio

Arbola itsusi gaizto halazankoa

Ni izan behar orain ere arbola gaiztoa

 

 

Anaia bi

 

Mixeria gorriena bizi diagu

Bi anaia gaituk pentsio oker honetan

Etorkizuna besterik ez zigutean utzi

Infernurako eskala gure aurrekoak

Hatzazalagaz hesteak engainatuz

Etzalekuan bota diat ohizko eguna

Zapata pare bat gu bion altxor bakarra

Gaituana diagu heredentzian

Bapo moldatzen gaituk halere

Gauezko fruitua heltzear

Bata ez denean bestea

Laister izango delakoan nire pasioen txanda

 



Literatur Aldizkarien Gordailua Susa argitaletxearen egitasmoa da.