L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Susa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Susa-25 (1990-martxoa) —Hurrengo artikulua




 

 

Josu Landa

 

Galdera V

 

Edozein zigarro ez,

zigarro hori.

Ez idazu esan maite zaitut,

gotorleku ezean uzten nau

amodioaren ondoko izerdiak.

Zure begietan irakurri ezinak inpotentzia,

gaua amaitu aurretik ihes nahia.

Maite zaitut horrek

ezertarako balio ez,

zigarro horren zergatia

jakinda ez bada.

Lagunei kontatutakoan

lotsagarri ez gelditzearren.

Loak dudatan hartzekotan

ez dut bihar nahi

egunak bion artetik

har dezan argi.

Begiradarik gabeko

zigarro hori.

Ispilurik gabeko

amodio hau.

Ez dakit zergatik dudan

beste behin ere jasaten.

Pertsianak jeistera noa,

eguna argitzear da.

 



Literatur Aldizkarien Gordailua Susa argitaletxearen egitasmoa da.