L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Txistu y Tamboliñ aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Txistu y Tamboliñ... y vosotros los vascos, ¨qué quereis? (1990-azaroa) —Hurrengo artikulua




 

 

Azken Hatsa

Fermin Eguren

 

Ni naiz transimendu agorra

etorkizun pikatua, hazi galkorra

ezpata kamutsa ta gerlari bentzutua

ni naiz leinu jipoitua, zuhaitz egotzia

zauri edekia, murru pitzatua

iltze herdoildua eta sos errefusatua

ni naiz auhena eta baneloria

ametsa eta marruma

ni naiz neskatxa desloratua, agure asiloztatua

urzo mahaineratua, izkirio pipiatua

ni naiz etsipenaren lekaioa, xangrinaren morroia

ukaldiaren bilduma, tragazaren helmuga

ni naiz bide moztua, zubi puskatua, ladyrintoa

ni naiz piztia sesitua, orein trabatua, bale ziztatua

ni naiz noraeza ta hastioa

ni naiz ezdeusaren perfezioa, gutimendua

ni naiz ortze nahasia, bazter funditua, ontzi malurtua

ni naiz pirata urkatua eta saindu deskomekatua

soineko urratua, bertute tonatua

ingude turditua, letania antsigarria

ni naiz katearen maila, itsuaren begia, izpilu hautsia

desorduzko imintzioa, omen galdua, eremuko oihugia

alor lapartua, odol ixuria

oroimen perfeta, dontzeila traditua

desplazerra, berset atzendua

orekaren bestaldea, eztanda, sugea

ni naiz jakile gaitzetsia, premu ebatsia

haur asaldatua eta betiereko mementua

arno urtatua eta igali pozoatua

ni naiz nire arrazaren azken aztarrena, heroeen azken hatsa

haien mintzoa da enea

eta haiena

naizeno

ene libertatea.

 



Literatur Aldizkarien Gordailua Susa argitaletxearen egitasmoa da.